आकाशातून पडणाऱ्या पावसाच्या प्रत्येक थेंबाचं नशीब वेगवेगळं असतं...
काही थेंब स्वच्छ रस्त्यावर पडतात तर काही माळरानावर तर काही थेट सह्याद्रीच्या
अंगाखांद्यावर
काही उघड्या गटारात तर काही उकिरड्यावर
काही समुद्रात तर काही खाड्यांत
काही नद्यांत तर काही खळखळणाऱ्या धबधब्यात तर काही तलावांत
काहींच्या नशिबात मात्र गंगा, यमुना, नर्मदा अशा पवित्र नद्यांशी एकजीव होत आपलं पृथ्वीवर येणं सार्थकी लावणं असतं...
काही उघड्या गटारात तर काही उकिरड्यावर
काही समुद्रात तर काही खाड्यांत
काही नद्यांत तर काही खळखळणाऱ्या धबधब्यात तर काही तलावांत
काहींच्या नशिबात मात्र गंगा, यमुना, नर्मदा अशा पवित्र नद्यांशी एकजीव होत आपलं पृथ्वीवर येणं सार्थकी लावणं असतं...
काहींच्या नशिबात हिरव्या पल्लवींना भिजवणं असतं तर काहींच्या मात्र वाळलेल्या
काटक्यांना..
काही श्रीमंतांच्या बंगल्यावर येऊन धडकतात तर काहींच्या नशिबी अठरा विश्व दारिद्र्य असणाऱ्या झोपड्यांमध्ये थेट झिरपणंच असतं
काही श्रीमंतांच्या बंगल्यावर येऊन धडकतात तर काहींच्या नशिबी अठरा विश्व दारिद्र्य असणाऱ्या झोपड्यांमध्ये थेट झिरपणंच असतं
अतिशय आनंदात असणाऱ्याचा आनंद द्विगुणीत करण्याचं नशीब काही थेंबांत असतं तर आपले अश्रू लपवणाऱ्यांचा
आधार बनणं काहींच्या नशिबी असतं..
दोन प्रेमींच्या मनातले ते नाजूक बंध घट्ट करण्याचं काम काही थेंब
करतात तर काही हे बंध तुटल्यानंतर होणारी वेदना कमी करण्यासाठी धावून
येतात...
काय हा वैताग आहे म्हणून झिडकारून घेणं काहींच्या तर मुद्दामून भिजणाऱ्या जीवांना
आनंद देण्याचं काहींच्या नशिबात असतं...
भरलेल्या घरातल्या मुलांना मज्जा म्हणून आनंद देणं तर त्याच वेळी डोक्यावर छप्पर नाही म्हणून
भकास चेहऱ्याने रस्त्यावर राहणाऱ्या मुलांना दुःख देणं काहींच्या नशिबात असतं...
एक ना दोन असं कितीतरी विविध प्रकारचं नशीब घेऊन आकाशातून
पावसाचा थेंब पृथ्वीवर पडतो. हे अगदी माणसाच्या नशिबासारखंच आहे. तो
परमेश्वर अनेक जीव जन्माला घालतो, पण प्रत्येकाचं नशीब वेगवेगळं.
प्रतिकूल परिस्थितीला तोंड देत काही जीव आपलं नशीब बदलवून टाकतात, त्याचप्रमाणे खाचखळग्यातून
वाहत पावसाचे काही थेंब मनुष्याला जीवन देणाऱ्या तलाव, नदीच्या पात्रापर्यंत
पोहोचण्यात यशस्वी होत आपलं पृथ्वीवर येणं सार्थकी ठरवतात...
....आणि पावसाचे किती थेंब धरण किंवा तलाव क्षेत्रापर्यंत येऊन पोहोचणार
हे शेवटी मानवाच्या नशिबावर असतं..